16 студзеня ў раённай бібліятэцы прайшла гадзіна паэзіі “Тварыць і кахаць” да 125-годдзя з дня нараджэння Канстанцыі Буйло, беларускай паэтэсы.

На мерапрыемства запрасілі вучняў сярэдняга школьнага ўзросту, якія ў гэтым годзе на ўроках беларускай літаратуры пазнаёмяцца з творчасцю пісьменніцы.
Бібліятэкары больш падрабязна азнаёмілі прысутных з біяграфіяй пісьменніцы, чыталі яе вершы пра Беларусь, бо, менавіта, ў іх можна пабачыць любоў аўтара да сваёй роднай старонкі.