Астравецкая дзіцячая бібліятэка 1 чэрвеня прыняла ўдзел у раённым свяце, прысвечаным Міжнароднаму дню абароны дзяцей пад назвай  “InterАКТЫЎНАЕ лета”.

У рамках гэтага мерапрыемства бібліятэка правяла на сваёй пляцоўцы свята дзяцінства “Дзень добры, лета!”. Да ўвагі прысутных была прапанавана арыгінальна аформленая кніжная выстава “Мы хотим, чтоб ваше лето было книгами согрето”, на якой можна было пазнаёміцца з цікавымі і пазнавальнымі кнігамі. Вельмі спадабалася выстава малышам, асабліва музыкальныя кнігі, так што некаторыя дзеткі не хацелі адыходзіць ад бібліятэчнай пляцоўкі.

Госці свята вельмі актыўна прынялі ўдзел у конкурсе “Размалюем казку”, прычым спаборнічалі не толькі дзеці, але і іх бацькі. Конкурс настолькі спадабаўся дзецям і жадаючых было так шмат, што ўдзельнікі размалёўвалі казачных герояў па некалькі чалавек запар.

Конкурс “Сказочный ларец” прапаноўваў удзельнікам з завязанымі вачамі выцягнуць з куфэрка казачны прадмет і здагадацца, з якой ён казкі. Многія справіліся з заданнем і гулялі па некалькі разоў. А для самых маленькіх аказаўся займальным конкурс “Казка з пазламі”. Дзеткі засяроджана і старанна складвалі з пазлаў герояў казак. Кожны ўдзельнік конкурсаў атрымаў наклейкі і невялікія прызы.

Бібліятэкары падчас мерапрыемства рэкламавалі дзіцячую бібліятэку, расказвалі пра свае кнігі і раздавалі ўсім візітоўкі, запрашаючы на экскурсію.