Дзень настаўніка — той самы момант, калі мы можам выказаць сваю падзяку людзям, якія на працягу важнага перыяду нашага жыцця дапамагаюць  спраўляцца з цяжкасцямі, вучаць жыццёвай мудрасці і дапамагаюць выбраць правільныя арыенціры ў жыцці. Яны даюць каштоўныя веды па шэрагу прадметаў.

У гэты перадсвяточны дзень бібліятэкар Варняскай сельскай бібліятэкі  разам з вучнямі школы мастацтваў падрыхтавалі віншавальную акцыю “Шчаслівы дар – вучыць дзяцей” для сваіх настаўнікаў. Кожнаму педагогу рабяты ўручалі віншавальныя паштоўкі з добрымі словамі ў іх адрас у форме кляновага лісточка. Словы віншаванняў і падзякі настаўнікі пачулі не толькі ад навучэнцаў школы, але і ад усяго калектыву работнікаў.

Віншавальная  акцыя — выдатны пасыл захавання традыцый і выказвання любові і павагі да прафесіі Настаўнік!