Новы Год — гэта самае чароўнае, самае прыгожае, самае таямнічае і вясёлае свята! У гэты час нават паветра прасякнута навагоднім чараўніцтвам.

13 студзеня ў Палушскай сельскай бібліятэцы-клубе адзначылі Стары Новы год гульнёвай праграмай  “У гасцях у дзеда Мароза і Снягуркі”. Сумаваць нікому не прыйшлося. У праграме былі весёлыя конкурсы, навагоднія загадкі і гульні на кемлівасць: “Сумна так сядзець”, “Кулінар”, “Навагодняя мазаіка”, “Пчолкі і кветкі”, “Фанты”, “Мандарынка”  і іншыя дзіцячыя забавы.  Любімыя героі, цікавыя казкі — і гэта яшчэ не ўвесь спіс падарункаў і сюрпрызаў, якія падрыхтавала біліятэкар  для сваіх юных чытачоў  і падарыла ім  адчуванне свята.