Пад такой назвай прайшоў літаратурны вечар тэатральна-літаратурнай майстэрні “ЛітаСфера”   18 студзеня ў чытальнай зале Астравецкай раённай бібліятэкі.

Слухачамі ў той дзень былі рабяты з 7  класа СШ  №1 г. Астравец. Перад імі прэзентавалі сваю творчасць  беларускія аўтары —  Дзмітрый Юртаеў, Яна Явіч, Мікалай Васілеўскі, Міхаіл Баранчык, Анастасія Кузьмічова.

На літаратурных сустрэчах Я. Явіч і Дз.Юртаева ніколі не бывае сумна. У сваёй праграме «Экскурсия по книжкам девчонкам и мальчишкам» яны не толькі чытаюць свае творы, але і прадстаўляюць дзецям сваіх казачных герояў. Аўтары імкнуліся паказаць, як важна ўмець не толькі чытаць вершы, але іх слухаць і разумець. Верыцца, што юныя чытачы навучацца распазнаваць вартую  літаратуру.

Акрамя аўтарскіх чытанняў прысутныя праглядзелі відэакліпы на вершы аўтараў.