Дзень Перамогі – адно з найбольш любімых і аўтарытэтных святаў. З года ў год ён адзначаецца гучна і святочна.

Сваё месца ў раённай праграме сёлетніх мерапрыемстваў мела і раённая бібліятэка. Чытальная зала  пад адкрытым небам і галерэя “Кветкі перамогі– воінам “Бессмяротнага палка” разнастаілі шэраг мерапрыемстваў у лесапаркавай зоне горада. Дзяўчаты-бібліятэкары ў стылізаванай форме прымацоўвалі ў знак памяці і ўдзячнасці кветкі беларускай яблыні да партрэтаў нашых землякоў-ветэранаў, запрашалі зрабіць гэта і ўсіх гасцей свята. Далучыліся да гэтай акцыі многія вядомыя людзі раёна, дарослыя і дзеці. Прыцягвала ўвагу і выстаўка-інсталяцыя, арганізаваная бібліятэчнымі супрацоўнікамі, якая выконвала ролю  фотазоны.