Для 1 “А” і 1 “Б” класаў СШ №1 бібліятэкары Астравецкай дзіцячай бібліятэкі 27 мая правялі ўрок-знаёмства “Пасябруй з бібліятэкай”, падчас якога расказалі пра сваю бібліятэку, яе аддзелы, пра кнігі, перыёдыку, правілы паводзін і абслугоўвання ў бібліятэцы.

Дзеці з уважлівасцю слухалі, адказвалі на пытанні віктарыны, самі задавалі пытанні.

Вельмі спадабаліся школьнікам 3D-кнігі, музычныя, інтэрактыўныя кнігі, кнігі-чамаданчыкі. Першаклашкі з цікавасцю і захапленнем разглядалі іх, дзяліліся ўражаннямі.

Бібліятэкары раздавалі фірмовыя візітоўкі дзецям і тыя абяцалі абавязкова прыйсці ў бібліятэку.