У дзіцячым аздараўленчым лагеры “Ластаўка” прайшло чарговае мерапрыемства для дзяцей, якія там адпачываюць. На гэты раз бібліятэкар прапанавала ўдзельнікам мерапрыемства бібліятэчную пляцоўку “Лапы, вушы і хвасты”.

У ходзе мерапрыемства дзеці пазнаёміліся з дзіўным, яркім і разнастайным светам жывёл, асаблівасцямі іх паводзін, пагарталі старонкі Чырвонай кнігі. Рабяты весела адказвалі на пытанні віктарыны “Знаёмыя незнаёмцы”, прымалі ўдзел у гульні “Адгадай-ка”, конкурсе “Пазнай жывёл”, на хуткасць складалі пазлы з выявамі дзікіх і хатніх жывёл. А завяршылася ўсё карціннай галерэяй, дзе размясціліся малюнкі хатніх гадаванцаў дзяцей.