27 лютага ў Альхоўскай сельскай бібліятэцы прайшло гучнае чытанне вершаў “Усміхніся, калі ласка” да 85-годдзя з дня нараджэння Рыгора Барадуліна, народнага паэта Беларусі.

Бібліятэкар Юлія Аляксандраўна пазнаёміла прысутных з жыццёвым і творчым лёсам паэта, а затым прайшло гучнае чытанне вершаў. Творчасць Барадуліна прасякнута глыбокім патрыятызмам і любоўю да Радзімы, яна актуальна і для сучасных чытачоў, асабліва павучальна для падрастаючага пакалення і моладзі.