У Альхоўскай сельскай бібліятэцы адбылося чарговае пасяджэнне аматарскага аб’яднання «Жывіца».

На гэты раз пагаварылі пра птушак, якія застаюцца зімаваць. Бібліятэкар правяла віктарыну-акцыю “Пакарміце птушак”. Яна падрыхтавала энцыклапедычныя звесткі пра крылатых насельнікаў лесу. Малодшыя школьнікі паспрабавалі намаляваць птушак, а пасля адказаць на пытанні віктарыны. Затым удзельнікі аб’яднання здзейснілі падарожжа ў лес, паспрабавалі адшукаць птушак. Галоўнае – былі падрыхтаваны кармушкі, якія дзеці прымацавалі на дрэвах. Мерапрыемства выклікала шмат прыемных эмоцый, дапамагло пасябраваць, а таксама ўзбагаціць свае веды новай і цікавай інфармацыяй.