Бібліятэкар Мальскай сельскай бібліятэкі правяла ў мясцовым дзіцячым садку акцыю “Ветлівая пошта” да Міжнароднага Дня “дзякуй”.

Дзеці яшчэ раз прыгадалі, у якіх выпадках неабходна выкарыстоўваць гэтае слова, атрымалі яркія і цікавыя кніжкі. У гульнёвай форме выхаванцы вучыліся гаварыць дзякуй сваім выхавацелям, працаўнікам кухні, бацькам. Акцыя мела вялікае выхаваўчае значэнне.