Пры філіяле “Міхалішкаўская сельская бібліятэка” ўжо які год працуе аматарскае аб’яднанне “Здаравейка”. Дзеці малодшага школьнага ўзросту набываюць веды пра важнасць зберажэння ўласнага здароўя. Фізічная актыўнасць, праца, правільнае харчаванне – вось аснова здаровага ладу жыцця.

На чарговай аматарскай сустрэчы – дзень карысных парад “ Пра здароўе ведаю ўсё”, якая адбылася 26 лютага, удзельнікі пагаварылі пра важнасць захавання ўласнага здароўя, навучыліся правільна вымяраць артэрыяльны ціск і тэмпературу, а таксама бінтаваць. Усё гэта праходзіла ў нязмушанай гульнёвай форме. Удзельнікі не толькі атрымалі карысныя веды, але яшчэ і зарад пазітыву і энергіі на тыдзень.