Чаму важна клапаціцца аб навакольным асяроддзі і як гэта зрабіць? Гэтым пытаннем задаваліся дзеці філіяла “Міхалішкаўская сельская бібліятэка” на віктарыне “Загадкі Зямлі”, прысвечанай міжнароднаму Дню Зямлі.

У гэты дзень гаварылі аб праблемах экалогіі, ахове Зямлі ад забруджвання, аб неабходнасці зберагчы прыгажосць нашай планеты. Наведвальнікі прынялі актыўны ўдзел у віктарыне, абмяркоўвалі пытанні беражлівых адносін да прыроды.  Затым дзеці наведалі лес і ўзгадалі правілы паводзін на прыродзе.