Наведвальнікі школьнага лагера СШ №2 “Вясёлка” былі запрошаны ў дзіцячую бібліятэку на пазнавальнае падарожжа “Беларусь мая сінявокая”, прысвечанае  Сусветнаму дню аховы навакольнага асяроддзя.

Дзецям расказалі пра Беларусь і прыгажосць яе прыроды: пра рэкі, азёры, жывёл, пра заказнікі і запаведнікі.

Школьнікам загадвалі прыродазнаўчыя загадкі, даводзілі пазнавальныя факты пра прыроду, у тым ліку і пра Сарачанскія азёры, якія знаходзяцца на Астравеччыне. Прагучала для гасцей і цікавая легенда пра азёры. Пазнавальным было і відэа пра ландшафтны заказнік “Сарачанскія азёры”.