У філіяле “Мальская сельская бібліятэка” прайшоў конкурс малюнкаў на асфальце “Мой лепшы сябар”, прысвечаны міжнароднаму Дню сяброўства.

Яркія і каляровыя малюнкі прадэманстраваў кожны ўдзельнік. Пляцоўка ператварылася ў стракаты каляровы дыван. Пасля юныя чытачы бібліятэкі паўдзельнічалі ў віктарыне “Ідзём сцяжынай дружбы”. Бібліятэкар парэкамендавала дзіцячыя і падлеткавыя кнігі пра сяброўства. Асаблівую ўвагу звярнула на творы беларускіх аўтараў. Мерапрыемства падаравала добры настрой, дапамагло зразумець важнасць сяброўства ў жыцці кожнага чалавека.