Кветкі ўпрыгожваюць жыццё чалавека, робяць яго больш прыемным і насычаным. Ім прысвечана безліч твораў: казак, легендаў, вершаў і апавяданняў.

У філіяле “Альхоўская сельская бібліятэка” прайшло мерапрыемства “У свеце кветак”. Пагаварылі пра кветкі, якія квітнеюць у гэты час, паслухалі аўдыеказку, пазнаёміліся з кніжнай выставай, у якую ўвайшлі часопісы па садаводстве, энцыклапедыі раслін, тэматычныя газеты. Не абышлося і без жывых кветак, якія ўпрыгожылі мерапрыемства. Цікавым момантам стала правядзенне віктарыны. Цікавыя заданні, каверзныя пытанні, загадкі – усё падагравала цікавасць да тэмы. Таксама ўдзельнікі мерапрыемства малявалі кветкі для сваіх матуль і бабуль. Дзеці разам з бібліятэкарам праспявалі песню “Цветик-семицветик”. Мерапрыемства падаравала ўдзельнікам добры настрой і зарад пазітыву на ўвесь дзень.