Лета працягваецца, і надвор’е пакуль дазваляе атрымліваць асалоду ад цяпла і прыемнага свежага паветра. Што можа быць цікавейшым для дзяцей, чым гульні на вуліцы?

Для дзяцей філіяла “Трокеніцкая сельская бібліятэка-клуб” прайшла гульнёвая праграма “Ігратэка ў бібліятэцы”. Бібліятэкар пазнаёміла прысутных з цікавымі кніжкамі, якія бібліятэка атрымала ў апошні час. З вялікім задавальненнем дзеці ўдзельнічалі ў рухомых гульнях і конкурсах, адказвалі на пытанні віктарыны, прымалі ўдзел у чытанні вершаў пра лета, спявалі песні пад адкрытым небам.