У філіяле “Гудагайская сельская бібліятэка” прайшла метэавіктарына “Ці ведаеце вы, што…”. Бібліятэкар пазнаёміла падлеткаў з паняццем метэаралогія, гісторыяй узнікнення  навукі, расказала цікавыя факты аб надвор’і. Прыгадалі народныя прыкметы, звязаныя з надвор’ем, а таксама жывёл і птушак, якія дапамагаюць у гэтым. Падлеткі прыгадвалі прыкметы, якія чулі ад сваіх бабуль. З дапамогай метэавіктарыны праверылі свае веды і атрымалі новыя. Напрыканцы мерапрыемства прысутным былі прапанаваны рознага плана энцыклапедыі, і яны з вялікім энтузіязмам іх разглядалі.

У заключэнне мерапрыемства бібліятэкар прыгадала пра пісьменнікаў-юбіляраў Янку Купалу і Якуба Коласа. Выстава “У думках, у сэрцах, у песнях” дапамагла пазнаёміцца дэталёва з біяграфіяй класікаў.