Летнія канікулы – час яркіх уражанняў, актыўнага пазнання новага, а таксама гэта час займальных гульняў і падарожжаў.

Бібліятэкары Астравецкай раённай бібліятэкі наведалі ДАЛ “Ластаўка” і правялі там літаратурныя гонкі “Читаем по кругу – читаем друг другу”. Дзяўчынкі і хлопчыкі адправіліся ў падарожжа па неабсяжнай літаратурнай планеце. Яны на хуткасць адгадвалі творы дзіцячых пісьменнікаў, знаёміліся з героямі казак і апавяданняў, з запалам адказвалі на пытанні віктарын. Таксама па чарзе зачытвалі ўрыўкі некаторых твораў, абменьваліся сваімі ўражаннямі аб прачытаных кнігах. Некаторыя з дзетак малявалі любімых герояў. Удзельнічаючы ў мерапрыемстве, яны  не толькі папоўнілі свае веды, але і зарадзіліся добрым настроем.