22 кастрычніка Кямелішкаўская сельская бібліятэка сумесна з аддзелам культуры і вольнага часу падрыхтавала тэатралізаванае прадстаўленне “Падарожжа па казках”.

Удзельнікаў чакала займальнае падарожжа: яны адправіліся на музычным паравозе ў краіну казак, прайшлі праз выпрабаванне загадкамі, павўдзельнічалі ў танцавальным марафоне. Казачныя героі падтрымлівалі юных чытачоў, дапамагалі праходзіць выпрабаванні. Пасля адбыўся флэшмоб. Казачная атмасфера панавала на працягу ўсяго мерапрыемства і прынесла безліч прыемных эмоцый.