1 чэрвеня ў дзень абароны дзяцей Астравецкую раённую бібліятэку наведаў лагер школы №3 горада Астраўца “Брыганціна”.

Бібліёграф Інга Шлыковіч правяла для дзяцей экскурсію-знаёмства па бібліятэцы “Дом, дзе жывуць кнігі”. Яна пазнаёміла школьнікаў з аддзеламі бібліятэкі, правіламі карыстання кнігамі. Кожны прысутны ўбачыў, што тут знаходзіцца вялікае мноства цудоўных кніг для ўсіх узростаў. Менавіта ў дзень абароны дзяцей быў прапанаваны у гульнёвай форме займальны аповед аб правах дзіцяці, дзеці прынялі актыўны ўдзел у абмеркаванні. Весела праляцеў час, дзеці паабяцалі прыйсці яшчэ на мерапрыемствы бібліятэкі.