Да Міжнароднага Дня абароны дзяцей бібліятэкар філіяла “Гервяцкая сельская бібліятэка” запрасіла школьнікаў на конкурсную праграму  “Мы будзем казкі пазнаваць, жартаваць, адгадваць, гуляць!”

Падчас мерапрыемства дзеці здзейснілі чарадзейнае вандраванне ў свет знакамітых казак. Удзельнікі з задавальненнем паспаборнічалі ў конкурсах “Пазнай казку па ўрыўку”, “Прадоўжы радок”, адгадвалі, каму належыць рэчы, успаміналі казачныя сродкі руху, адказвалі на жартоўныя пытанні аб літаратурных героях, у якіх выявілі сябе як кемлівыя знаўцы казачнай творчасці. За актыўны ўдзел усе атрымалі салодкія прызы. Мерапрыемства атрымалася вясёлым, цікавым і займальным.