Падчас галоўных зімовых святаў у бібліятэцы традыцыйна прайшлі “Калядныя сустрэчы” з удзелам аматарскага аб’яднання “Актыўнае даўгалецце”.

Пачалося святочнае мерапрыемства з віншаванняў і пажаданняў. Гэта быў сапраўдны вечар сяброў, на якім дзяліліся аплаткай, успамінамі аб гадах маладосці, расказвалі аб прыемных момантах жыцця, добрых учынках і справах.

Удзельнікі сустрэчы дэкламавалі творы ўласнага сачынення і вершы класікаў на тэму Ражаства Хрыстова.

Святочны настрой стварылі навагоднія кампазіцыі і выстава “Чудесный праздник Новый год”, дзе можна было акунуцца ў свет цудаў і чараўніцтва, пазнаёміцца з атрыбутамі афармлення святочнага стала.

Незвычайны фармат мерапрыемства прыйшоўся па душы прысутным гасцям, якія радавалі адзін аднаго сваёй творчасцю, дзяліліся планамі на будучыню. Смачны калядны пачастунак стаў прыемным завяршэннем сустрэчы.