9 студзеня 2019 года прайшло першае ў гэтым годзе пасяджэнне клуба “Актыўнае даўгалецце”. Традыцыйныя калядныя сустрэчы, якімі заканчваецца стары і пачынаецца новы год, прайшлі ва ўтульнай і цёплай атмасферы.

Праваслаўныя вернікі прынеслі прасвіру і стравы з каляднага стала. У зале гучалі віншаванні са святам, вершы і песні пра зіму. Загадчыца аддзела абслугоўвання выступіла са справаздачай аб рабоце аматарскага аб’яднання за мінулы год. Прысутныя ўспомнілі найбольш цікавыя мерапрыемствы, абмеркавалі планы на бягучы год.