17 студзеня ў Палушскай сельскай бібліятэцы-клубе прайшоў дзень інфармавання насельніцтва “Вялікія справы Года малой радзімы: знакавыя падзеі 2018 года”.

Старшыня раённага Савета дэпутатаў  Ірына Тальчук падрабязна спынілася на правядзенні мерапрыем­стваў  у цэлым па краіне і ў прыватнасці ў Астравецкім раёне да Года малой радзімы і нагадала, што надышоўшы год і наступны таксама пройдуць пад гэтым знакам.

Справаздачу ў гэты дзень перад сваімі аднавяскоўцамі і жыхарамі Гудагайскага сельсавета трымаў яго старшыня Віктар Карповіч.

Пра работу са слабаабароненымі пластамі насель­ні­цтва расказала на­меснік дырэктара тэрытарыяльна­га цэнтра Марыя Максімава.

Супрацоўнік Энерганагляду Ула­дзімір Кавалёнак гаварыў пра электрабяспеку, неабходнасць рамонту няспраўнай электраправодкі і правілах паводзін каля ліній электраперадачы. З 21 студзеня па ўсёй краіне стартавала акцыя “Бяспеку ў кож­ны дом”, у рамках якой  прой­­дуць сустрэчы, гутаркі, флэш­мобы, су­працоўнікі РАНС наведаюць дамы і кватэ­ры – і ра­скажуць пра пажарную бяс­­пеку.

Перш за ўсё – прафілактыка.
Такую задачу ставіць пе­рад сабой кіраўніцтва і ка­лек­тыў  раённага  аддзела ўнутраных спраў. Пра тое, як яна рэалізуецца ў нашым раёне, на сустрэчы з на­сельніцтвам расказаў начальнік РАУС Дзмітрый Місюк. Начальнік раённага аддзела ўнутраных спраў прааналізаваў работу ўчастковых інспектараў Гудагайскага сельсавета, а таксама спыніўся на злачынствах і правапарушэннях, якія тут былі здзейснены.