З  нагоды  60-годдзя з дня нараджэння Уладзіміра Мазго, беларускага пісьменніка Палушская сельская бібліятэка-клуб запрасіла сваіх чытачоў на паэтычную хвілінку-весялінку “Шчодры дар паэзіі”.

Бібліятэкар Наталія Уладзіміраўна  пазнаёміла прысутных  з  жыццёвым і творчым шляхам вядомага беларускага паэта-песенніка. У ходзе мерапрыемства прагучалі вершы і  казкі “Белакрылая зіма”, “Лясная аптэка”, “Суседзі па сусвеце”.  Рабяты актыўна ўдзельнічалі ў конкурсах “Загадкавая азбука”, “Парад шарад”, “Кілаграм анаграм” па творчасці паэта.