25-годдзе Канстытуцыі Рэспублікі Беларусь адзначаецца  селёта ў краіне.  Астравецкая раённая бібліятэка запрасіла на пазнавальную гадзіну, назва якой вынесена ў загаловак,  школьнікаў СШ № 1.

Бібліятэкары пазнаёмілі прысутных з гісторыяй узнікнення свята, расказалі якія ў Канстытуцыі прапісаны правы і абавязкі, што рэгулююць жыццё кожнага грамадзяніна краіны. Работнікі бібліятэкі дапоўнілі аповед звесткамі аб сімволіцы нашай краіны, расказалі пра герб, сцяг і гімн Рэспублікі Беларусь.

У чытальнай зале працуе  выстава “Закон, па якому жыве краіна”. На ёй прадстаўлена літаратура аб родным краі, асноўная частка прысвечана Канстытуцыі краіны.  Вучні праявілі цікавасць да выставы, з задавальненнем пазнаёміліся з літаратурай, змешчанай на ёй.