31 ліпеня ў Астравецкай раённай бібліятэцы адбылося пасяджэнне клуба “Актыўнае даўгалецце”. На гэты раз удзельнікі клуба сабраліся на інфармацыйна-пазнавальную гадзіну “Экалогія і мы!”.

Галоўны спецыяліст Астравецкай райінспекцыі прыродных рэсурсаў і аховы навакольнага асяроддзя Шчука Арцём Віктаравіч пазнаёміў з  экалагічнай сітуацыяй у Астравецкім раёне. Расказаў аб праблемах вывазу і ўтылізацыі бытавых адходаў. Лекцыя па экалогіі  дазволіла жанчынам пашырыць свой кругагляд у галіне экалагічных паводзін, дазволіла ім удасканаліць сваю экалагічную культуру. Пенсіянеры мелі магчымасць задаць пытанні, якія іх хвалююць і атрымаць змястоўныя адказы. У выкананні Святланы Мешкіс прагучала прыгожая песня “Одуванчик” на словы А. Марозава і музыку самой выканаўцы.

На кніжнай выставе “Зберагчы прыродныя багацці” можна было пазнаёміцца з літаратурай адпаведнай тэматыкі.