Верасень
16
Мы служым кнізе, каб кніга служыла людзям
15 верасня, у Дзень бібліятэк, у Астравецкай раённай бібліятэцы прайшло літаратурнае свята “Мы служым кнізе, каб кніга служыла людзям”. Мноства конкурсаў, акцый і цёплых сустрэч чакала чытачоў і гараджан у гэты дзень. Пачалося свята з незвычайнай STREET-акцыі “Як прайсці ў бібліятэку?” Бібліятэчны дэсант высадзіўся на вуліцах горада. Супрацоўнікі пыталіся ў гараджан, дзе знаходзіцца бібліятэка. Тыя, хто адазваў на пытанне, атрымліваў каляровы смайлік, а для тых, хто не змог адказаць, былі падрыхтаваны буклеты раённай бібліятэкі з кантактамі і кароткім апісаннем.
У рамках Дня бібліятэк, 14 верасня, у Астравецкай раённай бібліятэцы адбылася творчая сустрэча “Мой палац паэзіяй завецца” з беларускай паэтэссай са Смаргоні, журналісткай Алай Леанідаўнай Клемянок.
Напярэдадні Дня народнага адзінства ў аддзяленні пагранічнага кантролю “Гудагай” прайшла гадзіна гісторыі для пагранічнікаў “Сіла Беларусі ў адзінстве народа. Людзі, падзеі і факты, якія нас аб’ядноўваюць”. Удзельнікамі мерапрыемства сталі вучні ваенна-патрыятычнага класа мясцовай школы, прадстаўнікі клуба юных сяброў пагранічнікаў “Следапыты”.
